Դիլիջանում բացվեց «Իմպուլս» ֆուտբոլի ակադեմիան

Դ

իլիջան քաղաքի մանկապատանեկան սպորտի զարգացման ծրագրի շրջանակներում մեկնարկել է «Իմպուլս» ֆուտբոլի ակադեմիան 5-16 տարեկան երեխաների և դեռահասների համար։

Ակադեմիան տրամադրում է բարձրակարգ ենթակառուցվածքներ, ժամանակակից մարզասարքավորումներ և դասավանդման արդի մեթոդների վրա հիմնված պարապմունքների ծրագիր:

Ծրագրի նպատակն է կազմակերպել մանկապատանեկան սպորտային ժամանցը, խթանել երեխաների ու դեռահասների շրջանում առողջ ապրելակերպը և ներդաշնակ ֆիզիկական զարգացումը։

Մինչև 2023 թվականի փետրվարի 28-ը, խմբակների կազմավորման շրջանում, պարապմունքները կանցկացվեն անվճար։ 2023 թվականի մարտի 1-ից ամսական աբոնեմենտի արժեքը կկազմի 8000 դրամ։ Ֆուտբոլի խմբակներ հաճախող երեխաներին կտրվի սպորտային համազգեստ՝ որպես նվեր:

Բացի այդ, գործելու է արտոնյալ պայմաններով կրթական համակարգ։

Հասցե՝ Գետափնյա փ. 7, UWC Դիլիջան միջազգային քոլեջի դահլիճ։

Ծրագրի օպերատոր՝ «Զբոսաշրջության և քաղաքաշինության» բարեգործական հիմնադրամ (TUF)։ Ծրագիրն իրականացնում է Դիլիջանի համայնքային կենտրոնը՝ «Իմպուլս» ներդրումային ֆոնդերի կառավարող ընկերության աջակցությամբ։

Գրանցվելու համար կարող եք զանգահարել.

+374 77 375 225 (Ալեքսանդր)

+7 999 815 80 77 (what’s app)