DILIJAN WINE FEST-ը վերադառնում է Խանջյանի վիլլա
Օգոստոսի 5-ից 6-ը ՀՀ էկոնոմիկայի նախարարության զբոսաշրջության կոմիտեի աջակցությամբ Դիլիջանի Աղասի Խանջյանի վիլլայի տարածքում կանցկացվի Dilijan Wine Fest փառատոնը։ Գինու փառատոնն արդեն երկրորդ տարին է անցկացվում Դիլիջանում՝ ընդլայնելով մասնակիցների ցանկը։
Փառատոնը մեկ վայրում կմիավորի Հայաստանի 30-ից ավելի գինեգործարաններ և ռեստորաններ: Դրանց թվում են գինեգործներ KOOR Wines, TUS Wines, Jraghatspanyan Winery, Hazarvaz, Hovaz գինիներ, MOONQ գինիներ և շատ ուրիշներ: Հյուրերը կվայելեն գինեգործների տոնավաճառը, համտեսները, գինու նկարչությունը և ավանդական խաղողի տրոհման արարողությունը:
Փառատոնին ելույթ կունենան Garik և Sona դուետը, ինչպես նաև Lav Eli ռոք-խումբը։ Երկու օրը թեմատիկ երկու բեմերում կենդանի երաժշտություն և դիջեյներ կլինեն։ Փառատոնի տարածքը հարմարավետ կլինի նաև ընտանիքների համար. մտածված են երեխաների խաղերն ու զվարճությունները։
Ծրագրում նաև.
- sabrazh վարպետության դաս
- կոկտեյլների սեմինար
- գինու խաղատուն
- ֆիլմերի ցուցադրություններ
Փառատոնի ամենալավ գներով տոմսերը հասանելի են հիմնական հովանավոր EasyPay-ից easywallet հավելվածում և ամբողջ երկրի տերմինալներում, ինչպես նաև ստանդարտ գնով կայքում՝ հղումով:
Փառատոնի տարածքները բաց են հյուրերի համար 15:00-ից 22:00-ն:
Վայրը՝ Դիլիջան, Վիլլա Խանջյան (Մաքսիմ Գորկու փող., 3/1):
Փառատոնը կազմակերպում է TimeTo ստեղծագործական գործակալությունը՝ Impulse Management Company ընկերության աջակցությամբ։
Փառատոնի գլխավոր հովանավորն է EasyPay ֆինտեխ հարթակը։ Փառատոնի գործընկերն է GIZ-ը (Deutsche Gesellschaft für Internationale Zusammenarbeit): 
